​​مولانا سید عبدالماجد رشادی فیلڈ آفیسر کی اطلاع کے بموجب صفا بیت المال ایجوکیشنل ویلفیر اینڈ چیرٹیبل ٹرسٹ کے زیر اہتمام گزشتہ سات سالوں سے غریب محلوں میں مقیم اسکولی طلبہ کیلئے موسم گرما کی طویل تعطیلات کے موقع پر چالیس روزہ دینی گرمائی کورس کے سنٹرس قائم کئے جارہے ہیں‘ الحمدللہ اس کے مفید و موثر نتائج سامنے آئے ، انہی مفید نتائج کے پیشِ نظر جاریہ سال بھی 20سلم علاقوں میں دینی گرمائی کورس کے سنٹرس کا قیام عمل میں لایا جارہا ہے ‘ جس کے لئے مقاماتِ سنٹرس کا تعین اور معلمین کا تقرر بھی کیا جا چکا ہے ۔ 23؍اپریل بروز ہفتہ بعد نماز مغرب دفتر صفا بیت المال پر ٹرسٹیانِ صفا کی زیر نگرانی ذمہ داران و معلمین کے لئے ایک تربیتی نشست منعقد کی جارہی ہے ۔ جس میں تمام سنٹرس کے معلمین کو اہم ترین ہدایات دئیے جائیں گے ۔ 25؍اپریل تا5؍جون یہ سنٹرس چلیں گے ۔ وقتاً فوقتاً ان سنٹرس کی نگرانی کی جائے گی ۔ان کلاسس کے اختتام پر تمام سنٹرس پر طلبہ کا امتحان ہوگا۔اور 5؍ جون کو دفتر صفا بیت المال پر اختتامی تقریب منعقد ہوگی ۔واضح ہو کہ ایک سنٹر پر 8000روپئے کے اخراجات ہیں ۔ اہل خیر حضرات سے تعاون کی پرخلوص درخواست کی جاتی ہے ۔ تعاون کے لئے 040-24551314, 9394419820 پر ربط کریں ۔